Netöryggi og varnarmál á mannamáli

Í síðustu viku fór fram afar áhugaverður og vel sóttur viðburður á vegum Defend Iceland, í samstarfi við EDIH-IS og Rannís, þar sem netöryggis- og varnarmál Íslands voru í brennidepli.

Á viðburðinum voru pallborðsumræður sem báru yfirskriftina „Ávallt viðbúin, aldrei tilbúin. Hvernig verjum við stafræn landamæri Íslands?“ en þátttakendur í pallborði voru:

• Guðmundur Arnar Sigmundsson, forstöðumaður netöryggissveitarinnar (CERTIS)
• Erlingur Erlingsson, hernaðarsagnfræðingur
• Gyða Bjarkadóttir, Defender hjá Defend Iceland
• Bæring Logason, Upplýsingaöryggisstjóri (CISO) hjá ISAVIA
• Pallborðsstjórnandi: Sóley Kaldal, áhættustýringar- og öryggisverkfræðingur hjá Atvinnuvegaráðuneytinu

Þetta var frábært tækifæri fyrir sérfræðinga og áhugafólk um netöryggi og stafræna þróun að koma saman og eiga gott samtal og þökkum við Defend Iceland kærlega fyrir vel heppnaðan viðburð.