Viðburður: Frá viðskiptahugmynd til fjármögnunar
/
Taktu þátt í hálfsdags Master Class þann 24.október næstkomandi
EDIH á Íslandi í samstarfi við EEN stendur fyrir viðburðinum „Frá viðskiptahugmynd til fjármögnunar“ fimmtudaginn 24. október n.k. í Grósku kl. 10:00-14:00.
Taktu þátt í hálfsdags Master Class sem ætlað er að leiðbeina frumkvöðlum í gegnum lykilþætti í gerð árangursríkrar viðskiptaáætlunar og öflunar fjármagns. Námskeiðið er í umsjá Uffe Bundgaard-Joergensen, sem hefur mikla reynslu á þessu sviði, og mun hann deila innsýn sinni í það hvernig á að þróa sannfærandi viðskiptahugmynd, gera árangursríka fjárhagsáætlun og laða að rétta fjárfesta. Fjallað verður um hvernig má sameina fjármögnun úr einkageiranum með opinberum styrkjum, með sérstakri áherslu á styrki frá ESB, eins og fjármögnunarleiðir EIC og EU Innovation Fund. Þátttakendur munu læra hvernig hægt er að nýta þessa styrki til að brúa bilið í fjármögnun og auka trúverðugleika gagnvart fjárfestum. Frekari upplýsingar um viðburðinn má finna í viðhengi.
Þátttakendur fá aðgang að sérsniðnu efni, þ. á m. glærum, viðskiptaáætunum og öðru efni frá Gate2Growth í þrjá mánuði. Að auki verða persónulegir ráðgjafatímar með Uffe í boði í byrjun eða lok dags, þar sem þátttakendur fá tækifæri til að fá einstaklingsbundna endurgjöf.
Þessi viðburður hentar vel fyrir frumkvöðla sem vilja dýpka skilning sinn á fjármögnunarleiðum og öðlast hagnýt verkfæri til að koma viðskiptahugmyndum sínum í framkvæmd.
Skráning á viðburðinn fer fram hér. Vinsamlegast athugið að takmarkað pláss er í boði og því nausðynlegt að skrá sig. Viðburðurinn er þátttakendum að kostnaðarlausu og fer fram á ensku.
Frekari upplýsingar um persónulega ráðgjafatíma eru væntanlega fljótlega, en við hvetjum þátttakendur til að hafa samband við Kolfinnu Tómasdóttur ef þið viljið tryggja ykkur pláss í slíkan ráðgjafatíma.
Þessi viðburður er haldinn af EDIH á Íslandi (European Digital Innovation Hub) í samstarfi við EEN (Enterprise Europe Network).
IN OTHER NEWS
