Norrænn tengslaviðburður fyrir Digital Europe

Norrænn netviðburður fyrir væntanleg Digital Europe köll fer fram 16. apríl 2026 kl. 11:00–13:00 (íslenskur tími) og er opinn íslenskum fyrirtækjum, stofnunum og öðrum áhugasömum. Markmiðið er að tengja saman samstarfsaðila á Norðurlöndum og styðja þátttakendur í undirbúningi umsókna fyrir Digital Europe–verkefni á árunum 2026–2027.

Hvað er Digital Europe?

Digital Europe Programme (DEP) er fjármögnunaráætlun ESB sem styður innleiðingu stafrænnar tækni og þróun sameiginlegra evrópskra stafrænnar innviða. Áætlunin einblínir m.a. á gervigreind, örugg gagnakerfi, stafræna færni og stafrænar umbreytingar í atvinnulífi og samfélagi. Hér er því kjörinn vettvangur fyrir íslenska aðila sem vilja taka þátt í öflugum alþjóðlegum samstarfsverkefnum.

Áherslur viðburðarins

Viðburðurinn hefst með stuttri yfirlitskynningu um næstu DEP köll samkvæmt vinnuáætlun 2026–2027, en að því loknu fara fram þrír samhliða umræðuhópar:



• AI & Data
• Health
• Education & Skills

Í umræðuhópunum geta þátttakendur kynnt verkefnahugmyndir eða sérfræðikunnáttu í 3–10 mínútna erindum.

Þetta er einstakt tækifæri fyrir íslensk fyrirtæki, stofnanir, háskóla og sveitarfélög til að mynda ný samstarfstengsl, fá innsýn í það sem er framundan í DEP og hefja undirbúning að samstarfsverkefnum.

Viðburðurinn er skipulagður í samvinnu Rannís og systurstofnana á Norðurlöndum.

Skráning er hafin – tryggðu þér þátttöku

Rannís hvetur alla íslenska aðila sem eru að huga að innleiðingu stafrænna launsa og nýsköpunar til að skrá sig og taka virkan þátt.

Nánari upplýsingar og skráning: www.rannis.is/dep2026