Ráðstefna um íslenska gagnavistkerfið
/
Hagstofa Íslands í samstarfi við háskóla, iðnaðar- og nýsköpunarráðuneytið, fjármála- og efnahagsráðuneytið og Miðstöð stafrænnar nýsköpunar efnir til ráðstefnu um þróun íslenska gagnavistkerfisins.
TAKIÐ DAGINN FRÁ!
- Dagur: 27. nóvember 2024
- Staður: Gróska, Bjargargata 1, 102 Reykjavik
- Viðfangsefni: Kynning á Gagnastefnu Íslands X Þróun íslenska gagnavistkerfisins
- Skráning: Ókeypis - hér
Gríðarleg tækifæri til verðmætasköpunar liggja í bættu aðgengi að gögnum og nýtingu þeirra.
Í því samhengi hafa verið gerðar breytingar á lögum sem kveða á um opið aðgengi að virðisaukandi gögnum íslenska ríkisins auk þess sem unnið er að íslenskri gagnastefnu sem hefur það að markmiði að skapa sameiginlega sýn sem styður við gagnadrifna verðmætasköpun á Íslandi.
Meginþema GAGNVIST er að leiða saman haghafa innan íslenska gagnavistkerfisins, sérstaklega þá sem safna og miðla virðisaukandi gögnum og notendur þessara gagna, bæði opinbera aðila og fyrirtæki.
Í tengslum við ráðstefnuna verður haldið gagnaþon þar sem keppt verður um bestu hugmyndina að gagnadrifinni Borgarlínu byggða á samþættingu virðisaukandi gagna.
Gagnaþonið fer fram dagana 23. - 24.nóvember og verða úrslit þess kynnt á málþinginu 27. nóvember.
DAGSKRÁ
Nánari upplýsingar um einstaka hluta ráðstefnunnar koma síðar.
Opnun
Áslaug Arna Sigurbjörnsdóttir, háskóla-, iðnaðar- og nýsköpunarráðherra
Kynning á drögum Gagnastefnu Íslands og framtíðarsýn.
Tilgangur og þarfir notenda
Af hverju viljum við bætt aðgengi að gögnum? Hvað þurfa þeir sem vinna með gögn? Hvaða stuðningur er í boði?
Uppbygging gagnainnviða
Hvað þarf til þess að aðgengi að gögnum sé betra? Hvaða uppbyggingarverkefni eru í gangi? Umfjöllun um tæknilega innviði og getu, auk sameiginleg tæknileg lágmarksviðmið.
Gagnadrifin verðmætasköpun
Góð dæmi um gagnadrifna verðmætasköpun. Hvernig skilar samþætting gagna verðmætum? Úrslit gagnaþons.
IN OTHER NEWS
